Հայաստանը արդեն եկար ժամանակ հիբրիդային պատերազմի փոթորկի մեջ է

ՀՀ Ազգային ժողովի անկախ պատգամավոր Արման Բաբաջանյանն իր ֆեյսբուքյան էջում գրառում է կատարել` անդրադառնալով հայկական մեդիադաշտի կարևոր խնդրին: Այսպես, նրա խոսքով` Հայաստանն արդեն եկար ժամանակ է հիբրիդային պատերազմի փոթորկի մեջ է։

Սա, Բաբաջանյանի խոսքով, այն դեպքերից է, երբ շատ քիչ ներդրում է պետք թշնամական երկրներից Հայաստանում իրենց բոլոր շահերը պաշտպանելու համար։

«Հայկական գլխավոր մեդիա ընկերությունները հենց իրենք են հիբրիդային պատերազմի ակտիվ մասնակիցներ։ Հայաստանի քաղաքական կուսակցությունների մեծ մասը, ինչպես նաև օլիգախիան, այդ արշավի մաս են կազմում՝ կեղծ ազգային-ավանդական-պետականամետ օրակարգով, իրականում, սակայն, նրանք գործում են Հայաստանի շահերի դեմ։

Հայաստանի ընդդիմության անունից հանդես եկող նախկին իշխանությունները և նրանց օրոք կոռուպցիոն համակարգից օգտվածները իրենց վերակենդանացումը շարունակում են տեսնել ռուսական, թուրքական և ադրբեջանական հիբրիդային պատերազմի հաղթանակի միջոցով՝ անգամ եթե դա նշանակում է հանրության ինտենսիվ ապակողմնորոշում, բացահայտ կամ քողարկված տնտեսական պատժամիջոցներ, պատերազմում աղետալի պարտությունից հետո անգամ նոր տարածքային կորուստներ արդեն Հայաստանի տարածքից։

Այսինքն, ամեն ինչ, որ հնարավոր կդարձնի թուլացնել պետությունը և հետ վերցնել ամեն գնով, կրկնում եմ անեն գնով վերցնել իշխանությունը»,- նշում է Բաբաջանյանը:

Հաջորդ գրառմամբ անկախ պատգամավորն ավելացնում է, որ պատերազմը չի ավարտվել և այս նոր տեսակի հիբրիդային պատերազմը ոչ թե օժանդակում է նախկինում ավելի կարևոր համարվող ռազմական գործողություններին, այլ ճիշտ հակառակը՝ հիբրիդային պատերազմի միջոցով կարելի է առավել արդյունավետ հասնել նույն մարտավարական արդյունքներին, որոնց նախկինում հնարավոր էր հասնել ռազմական գործողություններով։

Հակամարտության գոտում ռուս խաղաղապահների տեղակայումից հետո Ադրբեջանի՝ նոր պատերազմ սանձազերծելու հնարավորություններն էապես սահմանափակվել են։ Այդ է պատճառը, որ պարտությունից հետո Հայաստանի դեմ շարունակվող նոր՝ արդեն հիբրիդային պատերազմում Ադրբեջանը զինված ուժերը օգտագործելու մասին գուցեև չի մտածում։

Բաբաջանյանն ընդգծում է, որ Ալիևին այս գործում կամա թե ակամա օժանդակում են հայկական գլխավոր մեդիա ընկերությունները, քաղաքական կուսակցությունների մեծ մասը, ինչպես նաև օլիգախիան՝ դառնալով հիբրիդային պատերազմի ակտիվ մասնակիցներ։

Միացեք մեր Telegram ալիքին