Կառավարությունը վճարելու է բաժանորդների գազի, հոսանքի, ջրի և աղբահանության մարտ, ապրիլ և մայիս ամիսների վարձավճարները: REGST, 01.04.2020
Վրաստանի կառավարությունը որոշում է կայացրել քաղաքացիների մարտ, ապրիլ և մայիս ամիսների կոմունալ վճաները փոխհատուցելու մասին: Այդ մասին հայտարարել է վարչապետ Գեորգի Գախարիան:
Փոխհատուցումը վերաբերում է այն բաժանորդներին, ովքեր սպառել են 200 կիլովատից քիչ հոսանք, 200 խորանարդ մետրից քիչ գազ: Կառավարությունը կվճարի նաև ջրի և աղբահանության երեք ամսվա վարձավճարները:
Գեորգի Գախարիան նշել է, որ Կառավարությունը նպատակ ունի չբավարարվել դրանով և աջակցություն տրամադրել աշխատանքը կորցրած քաղաքացիներին՝ անձնավորված կերպով:
Վրաստանն ընդհանուր առմամբ 2 մլրդ լարի (շուրջ 600 մլն դոլար) է հատկացրել տնտեսության և քաղաքացիներին՝ ծանր հետևանքները հաղթահարելու համար, ևս 351 մլն լարի (100 մլն դոլար)՝ կորոնավիրուսի դեմ պայքարի համար:
Վարչապետը նշել է, որ պետբյուջեի եկամուտներն էականորեն նվազելու են, և գերատեսչություններին կոչ է արել խնայողաբար օգտագործել միջոցները:
REGST 